Olivier Giroud është afër arritjes së marrëveshjes për tu bashkuar me Interin.
Francezi prej muajsh ka deklaruar që nuk është i kënaqur me trajtimin që po merr te Chelsea, duke lënë të kuptohej për dëshirën për tu larguar nga klubi. Sulmuesi 33 vjeçar, momentalisht është zgjedhja e tretë te Chelsea pas Tammy Abraham dhe Michy Batshuayi.
Tani sipas L’Equipe, një marrëveshje personale mes lojtarit dhe klubit të Interit është pranë realizimit.
Ky raportim gjithashtu thekson, që sulmuesi do të ishte zgjedhja e tretë dhe te Interi, pas Romelu Lukakut dhe Lautaro Martinez. Por për shkak të sistemit të Antonio Contes, i cili shpesh luan me dy qendër sulmues, Giroud do të kishte më shumë minuta se aktualisht te Chelsea.
Giroud dëshiron sa më shumë minuta në këmbë për të fituar një vend në Kombëtaren e Francës në Europianin e verës së ardhshme.
