Gjykata e Shkallës së parë në Vlorë ka lënë në qeli Edlira Shehun.
Këtë të shtunë, është zhvilluar seanca gjyqësore për komunikimin e masës se arrestit për Edlira Shehun, ish-sekretare gjyqësore pranë Gjykatës Administrative Vlorë. Seanca gjyqësorë ka nisur rreth ore 9 të mëngjesit dhe ka zgjatur për 40 minuta. Për Edlira Shehun nga Gjykata e Shkallës së Parë është lënë në fuqi masa e arrest me burg.
Ajo akuzohet për shpërdorim detyre dhe zhdukje ose humbje të fashikullës.
Shehu u arrestua nga policia me akuzën e shpërdorimit të detyrës. Gjatë periudhës kohore dhjetor 2018 – nëntor 2019, kur kjo shtetase ka qenë në marrëdhënie pune, dyshohet se ka ndryshuar disa vendime të gjykatës duke i favorizuar palët sipas interesit vetjak.
