Çifti i showbizit shqiptar Vesa Luma dhe Big Basta prej vitesh janë zhvendosur për të jetuar në Zelandën e re së bashku me djalin e tyre Lian.
Ajo ka treguar se është mjaft e lumtur në vendin ku po jeton tani edhe pse bën një jetë të thjeshtë. Të gjitha ato që i kanë munguar në fëmiëjri asaj dhe Big Bastës po i shijojnë tani së bashku me djalin, Lianin.
Nëpërmjet një postimi në rrjetet sociale Vesa Luma shkruan: “Nuk paska lumturi më të madhe se të jetosh si person i thjeshtë në një vend ku fëmija është mbret, thith ajrin e pastër, rrethohet nga një shoqëri pozitive, gjëra që as unë e as Geri nuk i kemi përjetuar si fëmijë, ose nuk kemi ditur as ëndrra të tilla të shikonim. E si të rritur, për pak mbetëm duke jetuar pa e ndjerë natyrën afër, njerëzit e vërtetë, realitetin. Por ja që nuk qenka vonë dhe po e shijojmë bashkë me Lianin tani edhe ne”.