Astrologia Meri Shehu çdo fillim muaji është e ftuar në emision “Rudina” për të dhënë parashikimin e shenjave të Horoskopit. Për shkak të tragjedisë, Meri erdhi disa ditë më vonë këtë dhjetor.
Rudina i përket shenjës së Virgjëreshës dhe çdo herë që Meri është e ftuar, moderatorja dëgjon me kureshtje ç’parashikon Horoskopi përgjatë atij muaji për të. Rudina nuk kishte pasur fat në Horoskop përgjatë gjithë këtyre viteve. Të paktën jo aq shumë fat, sa të dilte në vend të parë duke lënë pas të gjitha shenjat.
Reagimi i moderatores kur mëson se shenja më me fat e dhjetorit është pikërisht Virgjëresha, nuk duhet humbur.
Sapo Meri nisi renditjen një nga një dhe mbërriti në fund, Rudina nuk e fshehu entuziazmin që ndjeu pasi në ekran u shfaq shenja e Virgjëreshës: “Më në fund, më në fund, sa vite kemi këtu me Merin, më në fund urime gjithë Virgjëreshëve. Mëse e merituar, na është dashur të presim gjatë që të mbërrijmë në këtë vend të parë. Faleminderit Meri, faleminderit! Më në fund!” – tha Rudina e lumtur që, më në fund, këtë muaj shenja e saj do të jetë në krye të listës.
