Bes Kallaku, ka shfaqur në kinema filmin e tij të parë, “Falco”. Aventura e heroit të filmit zë fill tek fakti se nga personazh i famshëm që jetonte duke grabitur shtëpitë e të pasurve italianë, një ditë e sheh veten deputet të parlamentit shqiptar.
Emra të njohur të ekranit shqiptar janë pjesë e filmit dhe një ndër to është edhe aktoria dhe këngëtarja e njohur, Bleona Qereti. Bleona është nën kryetarja e Bashkisë dhe është kandidate për Paskuqan- Bathore.
Mëngjesin e djeshëm, Besi ka qenë i ftuar në emisionin “Wake Up”, ku foli rreth filmit “Falco”. Ai u pyet menjëherë për pagesën që ka marrë Bleona.
“Filmi ka pasur një buxhet të konsiderueshëm. Secili ka qenë i kënaqur me pagesën që ka marrë”, u përgjigj ai.
Pyetjes nëse ka mbetur e kënaqur këngëtarja nga kjo pagesë, Besi i është përgjigjur me humor: “Bleonës sikur edhe 10 milionë dollarë t’i japësh nuk kënaqet”. “Bleona ka një tip që nuk e kënaqin vetëm lekët, por kënaqet nga puna që bën dhe me njerëzit që bashkëpunon. Plus që ka qenë shumë e gatshme, thjesht fakti që ka qenë produksion shqiptar.”
