Një gomone me 334 kg drogë është sekuestruar nga autoritete italiane në brigjet e Brindizit, ndërsa në pranga është vënë një shtetas shqiptar, emri i të cilit nuk bëhet i ditur.
Pas kontrollit në bordin e gomones u gjetën 186 pako të mbështjella me peshë totale, 334 kg, nga të cilat 310 kg ishin marijuanë dhe 24 kg hashash.
Nëse lënda narkotike do të hidhej në treg, ajo kapte një vlerë prej 4 milionë euro.
Mediat italiane raportojnë se lloji i mjetit lundrues si dhe deklaratat e paqarta të kontrabandistit shqiptar kanë bërë që të zhvillojnë inspektime më të hollësishme.
Gomonia 5 metër e gjatë dhe me një motor të fuqishëm që përdorej për trafik droge u konfiskua, ndërsa në pranga u vu kontrabandisti me kombësi shqiptare.
