Një tërmet i fortë ka goditur vendin fqinj të Italisë gjatë natës së djeshme me magnitudë 4.8 e shkallës Rihter.
EMSC raporton se thellësia e lëkundjeve ka qenë 9 km dhe epiqendra ka qenë 234 km larg Milanos dhe 26 km larg Firences.
Sipas mediave vendase dëme janë raportuar në disa ndërtesa në komunat e zonës në Mugello në Scarperia dhe San Piero, në provincën e Firences.
Shkollat u mbyllën gjithashtu në Barberino del Mugello, Scarperia, Vernio, Marradi dhe Viçhio, duke përfshirë edhe çerdhet komunale.
Ndërkohë, për të lejuar kontrollet teknike në sigurinë e linjave, trafiku hekurudhor në nyjen e Firences u pezullua. Trenat me shpejtësi të lartë midis Firences dhe Bolonjës janë gjithashtu të bllokuara, përveç trafikut rajonal.
Shumë njerëz që lanë shtëpitë dhe dolën në rrugë u strehuan në makina për t’u mbrojtur nga shiu.
“Tronditja me madhësi 4,8 ishte me të vërtetë e frikshme,” tha kryetari i Skarperia San Piero, Federico Ignesti.
“Tronditja ishte mjaft e gjatë, sidomos të parat, objektet në një supermarket kanë rënë përtokë,” tha Filippo Carlà Campa, kryetari i komunës së Viçhio. Në zonë këtë vit shënohet 100 vjetori i tërmetit që shkatërroi Mugello-n në 1919″.
Pas tij janë ndjerë dhe shumë paslëkundje të tjera.
