Policia italiane ka zbuluar një plantacion me marijuanë në Carpaneto, ndërsa është arrestuar një italian dhe një shqiptar, pasi ky i fundit është identifikuar nga shenjat e gishtërinjve.
Në plantacion janë gjetur rreth 56 bimë 2 metra të gjatë, ndërsa ishte i rrethuar me bimë të tjera për ta fshehur dhe ishte lidhur me një sistem për ujitjen, ndërsa energjia elektrike merrej nga një fermë 700 metra larg.
Zbulimi është bërë nga ushtria italiane, ndërsa policia ka arrestuar pronarin e tokës dhe shqiptarin 35-vjeç.
Pronari i tokës 51-vjeç dhe shqiptari kanë mohuar akuzat, por shenjat e gishtërinjve në plantacion janë provat që rrëzojnë dëshminë e 35-vjeçarit.
