Pas humbjes së Juventusit ndaj Lacios, Leonardo Bonucci i bëri thirrjes skuadrës që nuk duhet të pësojnë më kaq shumë gola dhe se situata duhet të ndryshojë.
Në një intervistë për DAZN, pas përfundimit të ndeshjes, fillimisht i pyetur se si skuadra e ka pritur atë humbje në dhomat e zhveshjes, Bonucci u përgjigj:
“Nuk e kemi pasur akoma atë bisedë, pasi është e rëndësishme që t’i lejojmë të gjithë të qetësohen në fillim, por sigurisht që nuk po e përjetojmë mirë dhe do të bisedohet se çfarë shkoi keq”.
Ndërsa për sa i përket formës së skuadrës ai thotë:
“Duhet të përmirësohemi, kjo është e qartë, sepse një skuadër si e jona nuk mund të pësojë kaq shumë gola. Na duhet më shumë vendosmëri dhe uri për të qenë më të fokusuar”.
“Rruga jonë është e qartë, kemi potencial por është në dorën tonë ta vërtetojmë këtë në fushën e lojës”.
