Një bombol gazi ka shpërthyer në Ksamil. Si pasojë kanë mbetur të plagosur tre persona, ndër të cilët pronarja dhe dy punonjëse. Të plagosurat janë nisur drejt Tiranës për mjekim më të specializuar.
Njoftimi i policisë:
Policia: Në spitalin e Sarandës kanë mbërritur 3 shtetase të dëmtuara, të cilat kanë pësuar djegie të pjesshme në trup për shkak të shpërthimit të tubit të një bombole gazi në një lokal :
1- Dh.M., 43 vjeçe, banuese në Ksamil (pronare e lokalit)
2- M.B., 19 vjeçe, banuese në Tiranë (punonjëse)
3- Gj.T., 19 vjeçe, banuese në Tiranë (pushuese).
Shërbimet e Policisë kanë konstatuar se ngjarja ka ndodhur në plazhin e quajtur “Pulëbardha” Ksamil, ku në lokalin veror në pronësi të shtetases Dh.M., dyshohet se ka shpërthyer tubi i bombolës së gazit dhe për pasojë u ka shkaktuar dëmtime të lehta 3 shtetaseve të mësipërme.
Shtetaset e dëmtuara ndodhen jasht rrezikut për jetën, por janë nisur drejt Tiranës për mjekim më të specializuar.
Policia po kryen veprimet e mëtejshme proceduriale në lidhje me ngjarjen.
