Pak javë më parë u bë e ditur se Florian Agalliun nuk do e shohim më në ekranin e “Top Channel” si moderator i emisionit “Në shtëpinë tonë”.
U tha se shkak i largimit të Florit ishte një konflikt me drejtorin e përgjithshëm të këtij televizioni, Ben Blushi.
I ftuar mbrëmjen e djeshme në “Late Night Show”, Flori e konfirmoi këtë duke u shprehur se ai nuk lejon t’i cënohet dinjiteti.
“Nuk e kam folur fare këtë pjesë në media, por meqë po më jepet rasti po t’a them çfarë ka ndodhur. Unë kam vendosur që të jetoj me dinjitet, në momentin që më cënohet dinjiteti përsa i përket marrëdhënieve në punë, dal nga vetja. U agravua situata dhe unë preferova t’i shkëpus marrëdhëniet se sa të vazhdoj të jetoj duke punuar me të njejtat intonacione të përditshme”, u shpreh Flori.
