Arben Malaj, ish-deputet dhe ish-ministër i Financave në qeverisjen e PS-së, ka preferuar të përdorë shprehje nga George Orwell, autori i librit ferma e kafshëve, për të ironizuar reagimet e politikanëve dhe qeveritarëve, pas tërmetit të 26 nëntorit që shkaktoi 51 viktima, mbi 900 të plagosur e lënduar, dhe shkatërroi dia qindra banesa.
“Ja pse duhet të fokusohemi si të lehtësojmë plagët dhe kostot e tërmeteve fizike dhe morale. George Orwell autori i një prej librave më të famshëm ” Ferma e Kafshëve” qartëson se politikanët përdorin një gjuhë politike që synon që genjeshtrat të duken si të vërteta, vrasjet të respektueshme, dhe ata të duken solidarë”, shkruan Malaj në rrjet.
Malaj është një nga zërat kritikë të sjelljes së politikanëve, veçanërisht të Kryeministrit dhe Rilindjes, veçanërisht pas tërmetit të 26 nëntorit. Duket se qëndrimet e Malajt çuan në vendimin e mazhorancës për pezullimin e tij si anëtar i Bordit të Bankës së Shqipërisë.
