Lazio i shkakton humbjen e parë të sezonit Juventusit, teksa e ka mposhtur 3-1 në Olimpico mbrëmjen e djeshme.
Duke konfirmuar formën e mirë që po kalonin, kryeqytetasit zhvilluan një ndeshje të madhe duke dalë fitimtar në ndeshjen më të rëndësishme të sezonit.
Juventusi kaloi e para në avantazh me anë të Cristiano Ronaldos në minutën e 25-të, por Luiz Felipe barazoi pak sekonda para përfundimit të pjesës së parë.
Ndërsa në pjesën e dytë ndeshja mori një rrjedhë të papritur, ku Cuadrado doli me karton të kuq në të 69-ën, duke i lënë bardhezinjtë me 10 lojtarë. Duke parë këtë situatë Lazio u hodh në sulm dhe vetëm pesë minuta më vonë Milinkovic-Savic shënoi golin e dytë, ndërsa shifrat 3-1 i vulosi Caicedo në minutën e 5-të shtesë.
