Zhvillohet sonte në mbrëmje në orën 22:00, dueli i peshave të rënda në boks midis Anthony Joshua dhe Andy Ruiz.
Dueli i parë i zhvilluar midis boksierëve në datën 1 qershor, pa si triumfues meksikanin, i cili jashtë çdo lloj parashikimi i shkaktoi anglezit humbjen e parë në karrierë, duke e hedhur dy herë “knockout”.
Do të jetë një ndeshje mjaft e rëndësishme për Joshua, pasi një humbje tjetër ndaj Ruiz do t’i jepte një goditje fatale karrierës së tij. Ndërsa Ruiz vjen në këtë ndeshje më i qetë duke pasur avantazhin psikologjik ndaj kundërshtarit.
Anglezi do të arkëtojë 85 milionë dollarë nga ky duel, ndërsa shpërblimi për kampionin e botës do të jetë “vetëm” 13 milionë.
