Një grua është gjetur e pajetë pranë banesës së saj në Velçë të Selenicës. Sipas hetimeve paraprake të policisë, dyshohet se gruaja i ka dhënë fund jetës.
“Në orën 10:15, në fshatin Velçë, Njësia Administratibe Brataj, Bashkia Selenicë është gjetur e vetëvarur me litar shtetësia E.T., 39 vjeçe. Ngjarja ka ndodhur rreth 200 metra larg banesës, ku 39 vjeçarja është gjetur nga familjarët e saj në kasollen e bagëtive. Ajo dyshohet të jetë vetëvarur. Grupi hetimor ka shkuar menjëherë në vendin e ngjarjes dhe po punon për përcaktimin e shkaqeve të ngjarjes dhe sqarimin e rrethanave”, njoftoi policia.
Numri i lartë vetëvrasjeve në vend vijon të mbetet shqetësues. Sipas të dhënave të INSTAT, vitin e kaluar, vetëvrasjet përbënin shkakun e tretë të vdekjeve në vend, pas atyre për shkaqe natyrale dhe aksidenteve rrugore.
