Një kompani e shpërndarjes së karburantit “Alb Gaz” është grabitur, në orët e para të mëngjesit të sotëm.
Dyshohet se dy persona kanë grabitur kasafortën e kësaj kompanie, ku kanë marrë rreth 600 mijë lekë të reja.
Ngjarja mësohet se ka ndodhur rreth orës 03:00 të mëngjesit të së hënës në periferi të Tiranës, në kufi me Fushë- Krujën, në zonën e Fushë-Prezës.
“Më datë 08.08.2016, në orët e para te mengjesit në Fushë-Prezë, në rrugë dytësore, tek karburanti “Alb Gaz”, persona ende të paidentifkuar kanë vjedhur me dhunë kasafortën me një vlerë rreth 600.000 lekë. Autorët kanë thyer kamerat e sigurisë dhe janë larguar me një mjet, dyshohet me ngjyrë të zezë. Menjëherë në vendngjarje kanë shkuar Efektivat e Policisë, të cilët kanë vijuar hetimet dhe po punojnë për identifikimin dhe kapjen e autorëve si edhe zbardhjen e plotë të ngjarjes”, deklaron policia.
