Ish-lojtarët e Tiranës, Bedri Omuri dhe Blendi Nallbani kanë pikëpamje të skajeve të kundërta përsa i përket situatës dhe potencialit të skuadrës së Tiranës.
Disa javë më parë, ish-mesfushori, Bedri Omuri, pati deklaruar që me ndryshimet e bëra të trajnerëve, me oshilacionet në lojë dhe mënyra se i pësojnë golat, skuadra e Tiranës mund të rrezikojë dhe rënien nga kategoria.
Ndërsa Blendi Nallbani, ndan një mendim krejt tjetër, teksa në një intervistë për “Panorama Sport”, ai thotë se Tirana mund të luftojë për titullin, madje ka dëgjuar dhe komentet e bëra nga Omuri duke e “ftuar” që ta drejtojë ai skuadrën për të shfaqur aftësitë e tija.
Mbi këtë ka reaguar Omuri duke thënë:
“Ka thënë gjithçka ‘Tata’. Nuk ia vlen barra qiranë për të reaguar. Për të qenë i ndershëm, i çova një mesazh Nallbanit, por nuk e di nëse e ka parë apo lexuar.
“Sa i përket çështjes së titullit, i shkrova Nallbanit se Tirana po zuri vendin e katërt nga fundi, mirë e ka Kaq i thashë. Tirana në fund do të luajë në “play-off”, këtu do të jemi. E kam thënë këtë gjë edhe më parë në gazetë dhe ia thashë edhe “Tatës”. – përfundoi ai.
Tirana aktualisht ndodhet në vendin e gjashtë në tabelën e renditjes me 19 pikë, 2 pikë më shumë nga zona e rënies nga kategoria dhe 1 pikë më pak nga zona e Kupave të Europës, ndërsa nga kryesuesit të Partizanit gjenden gjashtë pikë larg.
