Pas dygolëshit të Dele Allit ndaj Bournemouth, në fitoren 3-2 të Tottenham, Jose Mourinho deklaroi se ai nuk e sheh Dele’n si mesfushor, pozicionin që ka luajtur deri më tani, por si sulmues.
Mourinho theksoi që dëshiron që ta shohë atë lart në fushën kundërshtare si kërcënim për golin sesa të humbasë në mesfushë.
“Për mua Dele, nuk është një mesfushor. Ne duam që ai të ketë lirinë për tu lidhur me lojtarët sulmues, ky është pozicioni më i duhur për të”.
“Më parë nuk e njihja atë. Thjesht kisha luajtur kundër tij disa herë. Për një lojtar të cilësive të tij nuk mund të pranoja që ai të luante në mesfushë, ndaj ky do të jetë dhe pozicioni që do ta shihni atë shpesh”.- tha ai për “Daily Mail”.
