Sot në media qarkulluan disa pamje, të cilat fillimish ishin botuar nga Aleanca për Mbrojtjen e Teatrit, ku shiheshin disa ndihma për të prekurit nga tërmeti, që po shkarkoheshin te ministria e Brendshme.
Lidhur me këto pamje ka reaguar ministria e Brendshme e cila sqaron se nuk është i vërtetë.
Sipas Shërbimi për Çështjet e Brendshme dhe Ankesat, në Minsitrinë e Brendshme, qeset kanë qenë provat materiale të çëshjes në ngarkim të policit, Altin Zekaj, i cili vodhi ndihmat dhe të gjitha materialet do depozitohen në zyrat e ShÇBA që janë në ambientet e ministrisë.
SQARIMI I PLOTË
Lidhur me pamjet filmike të publikuara në rrjete sociale e më pas në disa media online, ku shfaqen punonjës të Shërbimit për Çështjet e Brendshme dhe Ankesat (SHÇBA) që shkarkojnë disa pako, sqarojmë se: Pakot me ndihma janë prova materiale të sekuestruara në operacionin e datës 28.11.2019, ku u arrestuan në flagrancë 2 punonjës policie, 1 punonjës i Shërbimit Zjarrfikës, si edhe u proceduan penalisht 2 shtetase për veprat penale të “Mashtrimit” dhe “Shpërdorimit të detyrës”.
Procedimi i shtetasve të mësipërm u krye pas hetimeve të zhvilluara në lidhje me publikimin e një video në media, ku shfaqeshin pamje të transportimit e përvetësimit të një sasie të konsiderueshme pakosh ushqimore (të sekuestruara në cilësinë e provës materiale) të destinuara për banorët e prekur nga situata e tërmetit.
Me urdher te Prokurorise, të gjitha provat materiale të sekuestruara gjatë këtij operacioni janë magazinuar pranë magazinës së Drejtorisë së Përgjithshme të SHÇBA-së, ku është mbajtur proces-verbali përkatës.
Drejtoria e Pergjithshme e SHÇBA, e cila po heton rastin konkret i ka zyrat në godinën e Ministrisë së Brendshme. SHÇBA apelon mediat të kontaktojne per te marre informacion zyrtar per lajme qe lidhen me Sherbimin, per te shmangur dizinformimin e qellimshem te publikut. SHÇBA fton qytetarët dhe mediat te denoncojne çdo rast abuzimi, duke vene ne dispozicion numrin falas 0800 90 90.
