Kryeministri Edi Rama njoftoi në mbledhjen e jashtëzakonshme të qeverisë, e zhvilluar mëngjesin e sotëm, miratimin e pr/vendimeve për personat e prekur nga tërmeti i 26 nëntorit, që do të përfitojnë trajtim financiar për gjithë jetën.
“Mbrëmë kemi filluar sistemimin e tyre në shtëpi të reja, për të cilat familjet duhet të përfundojë brenda 15 dhjetorit maksimumi. Falenderoj Danjën që po kujdeset personalisht për sistemimin e tyre”, tha Rama.
Gjithashtu ai u shpreh se sot miratohen dy projektvendime si fillim për një trajtim të posacëm financiar lidhur me fatkeqët më të mëdhenj në këtë histori që kanë nevojë për një ndihmë me karakter të përhershëm, për të gjithë jetën.
Ai theksoi se si rezultat tragjedisë që u ka shkatërruar familjen dhe për ata që janë në moshë të thyer, përveç pensionit të tyre, duhet të ndihmohen me një trajtim plus sa tetëfishi i pensionit social dhe i barabartë me pensionin e posaçëm.
EMRAT
Lindita Cara përfiton për gjithë jetën 100 mijë lekë të reja në muaj
Trajtim i veçantë financiar për Albert Carën që e merr për gjithë jetën 100 mijë lekë
Aleks Çupi 100 mijë lekë në muaj
Albert Lala 100 mijë lekë në muaj
Denisa Greku 100 mijë lekë në muaj
Marjana Rexhepi 100 mijë lekë në muaj
Femi Vata 100 mijë lekë në muaj
Pranvera Qato dhe më pas trajtim plus pensionit prej 60 mijë lekë në muaj
