Profesori dhe inxhinieri i ndërtimit, Arben Meçe ngre alarmin për gjendjen e rëndë të një pallati në qytetin e Durrësit, të prekur nga tërmeti i fuqishëm i 26 nëntorit. Meçe përmend pallatin 12-katësh në lagjen 17 të Durrësit për dëmtime serioze, ndërsa i bën thirrje institucioneve të shtetit që të reagojnë një orë e më parë.
“Pallati 12 katësh me 285 hyrje në lagjen 17 të qytetit të Durrësit është në gjendje të rëndë. Strukturat shtetërore duhet të paraqiten menjëherë këtu. Është i vetmi pallat që kam parë deri tani në Durrës dhe ka dëmtime serioze në strukturë dhe në bërthamë”-thotë inxhinieri Meçe.
Ndërsa një banor i pallatit e pohon situatën e vështirë dhe më tej thotë se nuk i është kushtuar vëmendja e duhur. “Të gjitha televizionet janë fokusuar në pallatet pa vlerë dhe me më pak dëme. Janë duke u përpjekur të shkëpusin vëmendjen”-shprehet ai.
