Pasgoditjet e tërmetit të 26 nëntorit, që shkaktoi 51 viktima dhe 900 të plagosur, konsiderohen si normale nga sizmiologët.
Rapor Ormeni shprehet se këto pasgoditje nuk kanë asnjë efekt, duke shtuar se qytetarët nuk kanë pse të frikësohen. Sipas tij, Tirana është larg epiqendrës së tërmetit.
“Pasgodtjet janë normale, dhe s’kanë asnjë efekt për ndërtesat. Njerëzit nuk kanë pse të shqetësohen, Tirana është larg epiqendrës së tërmetit”, shprehet Ormeni, në një reagim, duke tentuar të qetësojë qytetarët.
Pas tërmetit të 26 nëntorit me magnitudë 6.4 të shkallës Rihter, janë regjistruar disa qindra pasgoditje, një pjesë e të cilave me magnitudë mbi 4 dhe disa mbi 5. Lëkundjet e shkaktuara kanë krijuar panik, veccanërisht në zonat e Tiranës, ndërsa zonat më të prekura janë Durrësi dhe Thumana.
Mbrëmjen e djeshme, u regjistrua një tërmet me magnitudë 4.3 të shkallës Rihter, i cili megjithëse zgjati shumë pak, u ndje në kryeqytet. Po kështu në mëngjesin e sotëm pati një lëkundje me magnitudë 4.2, ndërsa u pasua nga disa të tjera me magnitudë mbi 2 deri në 3.3.
