Manchester City u ndal në transfertën e Newcastle duke barazuar me rezultatin 2-2.
Sterling kaloi “Qytetarët” në avantazh në minutën e 22-të, por pas 3 minutash vendasit barazojnë dhe pjesa e parë mbyllet në shifrat 1-1.
Në dytën kishte vetëm një skenar, me City-n që sulmonte dhe Newcastle që përpiqej të bënte ndonjë gjë me kundërsulm. Në 82’, De Bruyne rikthen avantazhin për miqtë.
Kur u mendua se City mori 3 pikë në këtë transfertë, Newcastle nuk dorëzohet dhe në 88’ barazon me Shelvey. Miqtë përpiqen të bëjnë dicka në minutat e mbetura, por ndërkohë rrezikojnë prapa dhe për pak sa nuk e humbën ndeshjen.
Edhe pse ndodhemi vetëm në javën e 14-të të kampionatit, duket se shpresat e Manchester City-t, për të mbrojtur titullin kampion janë të vogla, pasi me një fitore të Liverpulit ndaj Brighton, atëherë diferenca mes dy skuadrave do të shkonte në 11 pikë.
