Në mbledhjen e Këshillit të Ministrave të zhvilluar mëngjesin e sotëm, u shpall gjendjen e jashtëzakonshme edhe për zonën e Laçit.
Kryeministri Edi Rama tha se mirëkupton opoinionin e kreut të opozitës Lulzim Bashës dhe se do fillojnë menjëherë punën edhe për banorët e prekur nga tërmeti në Laç. Më parë ishte shpallur gjendja e jashtëzakonshme për qarkun e Durrësit dhe Tiranës.
“Ka dëme edhe në Laç, kanë dalë nga godinat dhe janë nëpër çadra, do të trajtoheshin njësoj të përfshihen në vendimin e perimetrit të emergjencës. Duke konsideruar edhe opinionin e kryetarit të opozitës them që na përputhen shqetësimet edhe idetë. Përfshijmë edhe zonën e prekur të Laçit në të njëjtin program që askush të mos ndihet i vendosur në një kategori të dytë të vëmendjes.
Ka filluar puna për pastrimin e hotspoteve në Durrës dhe Thumanë. Është bërë shembja e godinave të rrezikshme në Thumanë, ku ishim mbrëmë deri vonë. Po ashtu edhe në Durrës ka nisur puna për pastrimin e gërmadhave, ku nuk ka më operacion kërkim-shpëtimi”, tha kreu i qeverisë.
