Dy ditë pas ngjarjes në Kosovë, ku u sulmua selia e Kuvendit me predhë ende autoritetet nuk flasin për autorë të kësaj ngjarje.
Klasa politike e Kosovës, pro edhe më gjerë, dhe delegacionet ndërkombëtare e kanë dënuar ashpër sulmin. Policia thotë se kanë zbuluar dëshmi që mund të çojnë në zbardhjen e rastit, por ende nuk dihen autorët e sulmit, informon Zeri.info
Në mbrëmjen e 4 gushtit institucioni më i lartë në vend, Kuvendi, u qëllua me një raketahedhës. Megjithëse nuk pati pasoja në njerëz, por vetëm dëme materiale.
Duke qenë se ky ishte sulmi më i rëndë që u është bërë institucioneve dhe shtetit të Kosovës pas shpalljes së pavarësisë, reagimet e klasës politike, por edhe të ambasadave të huaja kanë qenë shumë të ashpra. Sulmi u cilësua si sulm mbi shtetin e Kosovës dhe me veprime terroriste. Ndërkohë që autoritetet e rendit kanë marrë të gjitha masat që kryesit dhe orkestruesit e sulmit të gjenden sa më parë.
