Lëkundjet e vazhdueshme të tërmetit që krijuan një gjendje alarmante në Shqipëri, kanë lënë të pastrehë shumë familje në Durrës dhe në Thumanë.
Shumë nga njerëzit që fatkeqësisht kanë mbetur në qiell të hapur, janë strehuar në çadra në stadiumin e qytetit bregdetar në “Niko Dovana” por ka dhe të tjerë që nuk iu është mundësuar diçka e tillë.
Një e moshuar ka treguar për “News24” dhe “BalkanWeb” se ndonëse ka kërkuar ndihmë, nuk është pajisur me çadër. “Kam që në mëngjes këtu dhe nuk kam marrë asgjë, vetëm një bidon ujë. më thonë je pa çadër. Regjistrimin e kam bërë. Djali është në Greqi dhe unë jam këtu me plakun, edhe kam edhe cupen me dy djem, vet e pesta përjashta. S’më kanë dhënë, sepse na shohin pleq. Një batanije për të fjetur nuk paska?! Plot vijnë dhe plot i shikojmë, shkojmë aty ku shpërndahen dhe më thonë ikni ikni ju që nuk keni çadra. Nuk paska një batanije 10 mijë lekë për mua. Çfarë të bëj unë, të mbytem unë”, është shprehur e moshuara.
