Laver Alla, gjyqtar në Superligën Shqiptare, la mënjanë arbitrimin për t’i ardhur në ndihmë njerëzve që gjendeshin nën rrënojat e zonave të prekura nga tërmeti në Shqipëri.
Alla, që në profesion është specialist pranë repartit zjarrfikës në Lushnjë, është i angazhuar në zonën ku gjendet hoteli i shembur “Miramare” duke dhënë kontributin e tij për të nxjerrë nga rrënojat qytetarët.
Laver Alla ka ndarë me miqtë e tij në “Facebook” momentin kur kanë shpëtuar një prej personave të mbetur nën rrënoja dhe shpreson që të gjejnë ende të tjerë.
