Mbrëmjen e sotme, Champions League, rikthehet të luajë raundin e pestë të fazës së grupeve.
Dy sfidat që dallojnë janë ato mes Realit të Madridit kundër PSG-së dhe Juventusi ndaj Atletico Madrid, ndërsa në fushë zbresin dhe kampionët e gjermanisë, Bayern Munich.
Reali i Madridit pret në shtëpi PSG-në, teksa madrilenët do të kërkojnë hakmarrjen për atë humbje 3-0 ndaj francezëve në ndeshjen e parë.
Skuadrat bëjnë pjesë në grupin A, ku kryesohet nga PSG-ja në kuotën e 12 pikëve, ndërsa skuadra e Zidane është në vendin e dytë me 7 pikë të grumbulluara, në vendin e tretë dhe të katërt janë përkatësisht Club Brugge dhe Galatasaray me nga 2 dhe 1 pikë në katër ndeshjet e zhvilluara.
Një tjetër supersfidë që luhet mbrëmjen e sotme është ajo në Torino, mes Juventusit dhe Atletico Madridit.
Bardhezinjtë janë të kualifikuar për në fazën e mëtejshme, pasi e kryesojnë grupin D në kuotën e 10 pikëve, të ndjekur nga Atletico e Madrid me 7 pikë në vendin e dytë, dhe Lokomotiva e Moskës dhe Bayern Leverkusen me nga 3 pikë.
Gjithsesi për tu diskutuar është vendi i parë në grup, pasi një fitore e Atleticos, do t’i barazonte skuadrat me pikë dhe gjithçka do të diskutohej në ndeshjet e fundit.
