Rritet në 6 numri i viktimave nga tërmeti i fuqishëm me magnitudë 6.4 që goditi vendin orët e para të mëngjesit.
“Nxirren dy trupa te pajete nga rrënojat te vila Palma në Durrës”, konfirmuan burime zyrtare nga Ministria e Mbrojtjes.
Po në Durrës, një trup i pajetë u nxor nga rrënojat ne shtesën e pallatit te shembur ne Durrës. Më herët, dy gra u nxorën të pajeta nga rrënojat e banesave në Thumanë, ndërsa ne Kurbin një burrë është hedhur nga banesa për shkak të panikut.
Aktualisht, në Durrës e Thumane po punohet nen rrënoja nga ekipet e shpëtimin për nxjerrjen e personave që janë ende te bllokuar aty.
Ministria e Shëndetësisë informoi paraprakisht se janë 325 persona të lënduar në total që kanë marrë mjekim në spitalet e Durrësit dhe Tiranës.
Nga Ministri e Arsimit u njoftua pezullimi i mësimit në të gjithë vendin për shkak të situatës së krijuar nga tërmeti.
IGJEUM këshilloi banorët në zonën e epiqendrës të qëndrojnë jashtë banesave, pavarësisht se raportoi se goditja kryesore ka kaluar.
