Kremlini po fut duart në politikën gjermane, e gjithë kjo për ta destabiluzar. Shkrimi i publikuar sot, nga tabloidi gjerman Bildplus është mbështetur nga deklaratat e shefave të sherbimit sekret gjerman BND dhe BfV.
Shefat e tyre, Guido Muller dhe Hans-Georg Maassen kanë informuar parlamentin në mes të shkurtit mbi këto plane, që janë quajtur akcionet e Rusisë për “Destabilizimin e Gjermanisë”.
“Mobilizim i lartë nga rusët gjermanë”
Sipas artikullit në fjalë, Rusia po mobilizon 2 milionë rusë-gjermanët për interesat e veta. Andaj shërbimi sekret gjerman ka filluar të analizojë organizatat dhe bashkësitë e fundit të krijuara nga ky komunitet, përcjell botasot. Ata mund të përdoren për protesta të lehta, që më vonë mund të eskalonin.
Rasti i 13 vjeçares Lisa F.
Si mbështetje ndaj këtij plani, sherbimi sekret gjerman përmend edhe rastin e 13 vjeçares Lisa F. që edhe pse ajo kishte ikur me vetëdëshirë nga familja, ministri i jashtëm rus u shpreh duke kërcënuar:
“Shpresoj se problemet me migrantë nuk çojnë në përpjekje për të fshehur realitetin për arsye të brendshme politike. Është e qartë se vajza nuk është zhdukur vullnetarisht për 30 orë”, tha në fund të janarit, Lavrov. Atëherë Gjermani reagoi se Rusia po përzihet në punët e brendshme të saj.
(Boldnews)
