Kryeministri Edi Rama i është larguar politikës dhe çështjeve të ditës duke pushuar në jug. Por mysafir i kryeministrit Edi Rama është ish-kryeministri britanik Toni Blair.
Vetë Rama ka publikuar një foto në facebook, gjatë kohës së drekës me Blair, i cili është edhe këshilltari i tij. “Photo of the day”, (Fotoja e ditës), e quan Rama, ndërsa të dy shfaqen shumë të buzëqeshur dhe të relaksuar.
Blair mbërriti dy ditë më parë nga Britania në jug të vendit ku po pushon tek vilat qeveritare. Nuk dihet nëse pushimet po i paguan kryeministri, apo si çdo gjë nga taksat e shqiptarëve. Gjithsesi shpresojmë që ish-kryeministri britanik ta këshillojë mirë kryeministrin shqiptar.
