Alaudin Malaj, ish kryetari i Gjykatës së Apelit për herë të parë në një studio televizive akuzon qeverinë se për qëllime të ngushta politike kanë përdorur SHBA dhe BE-në.
“SHBA dhe BE morën nismën, por faktorët kryesor kemi qenë ne, ish kryetarët me USAID që kemi bërë proceset për të zvogëluar korrupsionin në drejtësi. SHBA dhe BE u përdor pak nga politika shqiptare, sepse u fol në shumë tryeza se gjyqtarët janë pengesa e Vettingut.
Në momente të caktuara SHBA-BE u përdor. Po ashtu unë jam çuditur kur përfaqësues të EURALIUS vinin në zyrat tona dhe thoshin që merrnin lekët nga qeveria për të bërë ekspertiza. Kushtetuta jonë u arnua. Kushtetuta jonë është perfekte, por shtojca është e tmerrshme. Por ne nuk kemi një Gjykatë Kushtetuese. Shumica e ligjeve shkelin të drejtat e njeriut. Problemi është se sot një personi në administratën shtetërore u kërkohet gjithçka. Policisë dhe gjykatësit po i kërkohet gjithçka, po stresohet. Ajo që po bëhet nga politika është e tmerrshme”
