Presidenti Ilir Meta të ulet në tryezë për dialog dhe jo të bëjë mitingje.
Është kjo këshilla që ministri për Diasporën, Pandeli Majko, i ka dhënë Kreut të Shtetit, Ilir Meta, ndërkohë që ky i fundit i ka drejtuar një thirrje qytetarëve për të dalë në shesh në nderim të 8 Dhjetorit.
Meta ka bërë thirrje gjithashtu që qytetarët të marrin në dorë fatet dhe të mbrojnë Kushtetutën dhe Republikën.
“Nuk është koha për tubime, 8 dhjetori i takon një situate të caktuar. Presidentit i duhet të ulë palët në tavolinë dhe jo të bëhet palë.
Nuk e kuptoj të dalë Presidenti nëpër Shqipëri dhe të bëjë miting. Nuk di të ekzistojë ky precedent në vende të tjera perëndimore ku ne aspirojmë”, tha Majko.
