Me ardhjen e tij në drejtim të ekipit, Interi ka njohur rritje dhe ka nisur të bëjë sërish lojë të mirë dhe padyshim kjo është edhe një mënyrë e trajnerit Antonio Conte.
Në një intervistë për “L’Equipe”, tekniku Conte ka folur për shumë gjëra, ku mes tyre ka zbuluar edhe këshillën e tij për lojtarët në lidhje me marrëdhëniet seksuale ç’ka në fakt i ka lënë të gjithë pa fjalë.
Tekniku italian u shpreh se në një kohë kur sezoni është shumë i ngjeshur, ka këshilluar futbollistët që të mos sforcohen shumë në marrëdhëniet seksuale, duke treguar edhe detaje se si duhet të zhvillohet një akt i tillë prej tyre.
“Në një periudhë kur sezoni është shumë i ngjeshur, i këshilloj lojtarët e mi se marrëdhënia seksuale nuk duhet të zgjasë shumë. Është e nevojshme të bëjnë sa më pak sforco të jetë e mundur, të shpenzojnë sa më pak energji, prandaj lojtarët bëjnë mirë të qëndrojnë poshtë partnereve të tyre. Preferoj që lojtarët të kryejnë marrëdhënie me gratë e tyre, pasi nëse do të bënin seks me tjera, do të ishte më e lodhshme për ta”, tha Conte.
