Pas ofertës së Veliajt ku përfshinte në kartën studentore se nëse bëje një ofertë telefoni te AlbTelecom përfitoje 3 GB falas ka ardhur dhe reagimi nga Lëvizja për Universitetin.
Në një postim në Facebook, Gresa Hasa, një prej anëtareve të saj këtë veprim të kryebashkiakut të Tiranës e quan një palaçollëk, duke u shpreh se rezistencën studentore Veliaj ka vendosur ta përdorë për të çuar ujë në mullirin e një kompanie private.
Postimi i plotë:
“Shikojeni këtë palaçollëk të Erion Veliajt! Rezistencën studentore ka vendosur ta përdorë për të çuar ujë në mullirin e një kompanie private.
Çfarë duan studentët? STUDENTËT DUAN ARSIM PUBLIK FALAS, KUSHTE DINJITOZE, PERSPEKTIVË PUNËSIMI, NJË UNIVERSITET TË ORIENTUAR KAH DIJES E MENDIMIT KRITIK!
Çdo tentativë e tyre për tallje, bashkë me abuzimet, premtoj se nuk do të harrohen.
– Gresa Hasa, aktiviste e Lëvizjes Për Universitetin
