Ministri i Brendshëm, Sandër Lleshaj, ka shokuar sot anëtarët e Komisionit Parlamentar të Sigurisë, ku ishte i pranishëm lidhur me buxhetin që i është caktuar dikasterit që drejton për vitin 2020.
Lleshaj është shprehur se në buxhetin e Ministrisë nuk janë parashikuar rritjet e pagave, ndërsa shprehu bindjen se duhet që një gjë e tillë të parashikohet për 6-mujorin e dytë të 2020.
“Gjatë një takimi që pata me homologët e Ballkanit, mora vesh që roja i Ministrit të Brendshëm të Kosovës e kishte pagën 900 euro, aq sa paguhem unë si ministër”, tha Lleshaj.
Ndoshta pa dashur, ministri i Ramës, i cili që nga momenti që ka marrë detyrën mbahet mend për përdorimin e gazit toksik kundër qytetarëve që protestojnë, ka zbuluar që në takimet e nivelit të lartë, diskutohet edhe për pagat mujore.
