Këngëtarja e njohur, Anila Mimani ka tërhequr gjithmonë vëmendjen e të gjithëve pasi vokali i saj është vërtetë unik.
Këngëtarja ka qenë e ftuar në emisionin “Soirée” me Jonida Shehun në Top Channel, ku gjatë intervistës ajo ka folur edhe për muzikën e viteve 2000, dhe hapat e karrierës së saj.
Anila është pyetur nga Jonida Shehu nëse e ka menduar ndonjëherë që të marr pjesë në festival dhe ajo ka kthyer një ‘jo’ të prerë.
“Jo asnjëherë, sepse për mua është humbje kohe, sepse do shkosh të bësh prova njëherë, jo po është edhe ajo pjesa e look-ut, grimi, veshja. Të merr shumë kohë festivali dhe në fund nuk shpërblehesh. Nuk merr atë që ti mendon të marrësh.”- ka thënë Anila.
Ndërkohë në këtë bisedë ka ndërhyrë edhe këngëtari i njohur Artan Kola, i cili e ka mbështetur Anila Mimanin.
“Nëse flasim për festivale, asnjë në festival nuk fiton ai që shkon për të. Asnjë nuk fiton nga këngëtarët, por vetëm humbasin dhe humbasin nga 3-5 mijë euro dhe fitojnë vetëm organizatorët”, tha ai.
