Si rezultat i informacionit të marrë nga qytetarët Policia e Kamzës ka vënë në pranga një person pasi lëvizte me një armë zjarri pistoletë, me një krehër me fishekë.
Por gjatë kontrollit të ushtruar në banesën e këtij shtetasi, uniformat blu gjetën edhe një tjetër armë zjarri kallashnikov, me një krehër me 30 fishekë luftarakë.
Personi i vënë në pranga është shtetasi me iniciale A. K., 41 vjeç, lindur në Laç, Mat dhe banues në zonën e quajtur “Frutikulturë”, i dënuar me parë, njofton Policia
Armët dhe municionet e sipërpërmendura u sekuestruan në cilesinë e provës materiale dhe u dërguan në laboratorin e Policisë Shkencore, për ekzaminime të mëtejshme.
Materialet procedurale do t’i kalojnë Prokurorisë së Rrethit Gjyqesor Tiranë, për veprime të mëtejshme, për veprën penale “Mbajtja pa leje e armëve luftarake dhe e municionit”.
