Ardian Dvorani, kryetar i KED, tha se nuk ka jetë politike, as ka qenë anëtar i ndonjë partie, para ose pas viteve ’90.
Dvorani se është e pavërtetë akuza që i bëhet se ka marrë pjesë në një mbledhje të Partisë Socialiste.
Kreu i KED tha se ka marrë pjesë në një tryezë të organizuar nga opozita e asaj kohe (PS), por s’ka qenë si individ, por si përfaqësues i shoqatës së gjyqtarëve.
“Kam qenë në një tryezë, bashkë me një kolegun tim, si përfaqësues i shoqatës së gjyqtarëve. Isha në një aktivitet ku merrnin pjesë edhe përfaqësues të shoqatave dhe organizmave ndërkombëtare. Takimi ishte thirrur nga opozita e asaj kohe, por s’më kujtohet se për çfarë viti bëhet fjalë”, tha Dvorani në emisionin “Top Talk” në Top Channel.
