Si sot 6 vite më parë një aksident tragjik i mori jetën ish-deputetit të PD-së, Sokol Olldashit, teksa udhëtonte me makinën e tij nga Elbasani drejt Tiranës.
Në këtë ditë përkujtimore, miq e ish kolegë kanë reaguar me postime dhe foto duke e kujtuar Olldashin, ku një prej tyre është dhe kreu i PD-së Lulzim Basha.
Në Twitter, kryedemokrati ka postuar një foto me Glaukun, të birin e Sokol Olldashit ku shkruan se ai do të ishte krenar të shikonte se si djali i tij i madh, po ecën ne gjurmët e tij.
“Sokol Olldashi do të ishte krenar të shikonte se si djali i tij i madh, Glauku, po ecën ne gjurmët e tij. Jam i bindur se Glauku, të rinjtë demokratë dhe rinia shqiptare do ta përmbushin me sukses misionin e Shqipërisë si gjithë Europa.
Na mungon Sokoli” – shkruan Basha.
