Ardit Gjebrea ishte organizatori i performancës në ceremoninë e hapjes të inagurimit në stadiumit e ri “Air Albania”.
Ndër artistët që performuan ishte Juliana Pasha, e cila këndoi himnin kombëtar. Madje ajo ka shprehur edhe falënderimet për këtë mundësi që i kishin dhënë.
Kastriot Tusha ka reaguar për këtë fakt. Në emisionin “Procesit Sportiv” është shprehur se mund të ishte edhe ai një nga këngëtarët që performuan himnin kombëtar.
“E prita një ftesë nga Ardit Gjebrea, për të kënduar himnin kombëtar në stadium sepse mora vesh që ai ishte organizatori. Po mesa duket ai nuk e pa të arsyeshme. Gjithsesi edhe Juliana Pasha bëri një performancë të shkëlqyer. Por duhet thënë se himni është diçka emocionuese. Duhet të të motivojë. Kur këndoja himnin më parë, ktheja kokën nga futbollistët. Ndoshta s’dinin të gjitha fjalët, por ama nxirrnin disa zanore. Unë e kisha imagjinuar ndryshe. Me 10 tenorë”, tha ai.
