Mbrojtësi italian, Leonardo Bonucci ka firmosur një kontratë të re, e cila do të mbajë atë te Juventusi deri në vitin 2024.
32-vjeçari, ka bërë 376 paraqitje për kampionët e Seria A, ku fillimisht u bashkua në vitin 2010.
Në vitin 2017, Bonucci, kaloi te skuadra e Milanit por u rikthye në Torino vetëm pas një viti.
“Është një histori e gjatë dhe intensive, ajo që e lidh Leonardo Bonuccin me Juventusin”. – tha klubi në një deklaratë.
Në total Bonucci ka fituar 14 trofe me Juventusin, që kur mbërriti nga Bari nëntë vite më parë, përfshirë shtatë tituj kampion.
