Duke folur për shtypin Belg ditën e djeshme, Eden Hazard ishte plot elozhe për shokun e skuadrës të Reali i Madridit.
Dyshja kanë një marrëdhënie të mirë në skuadër, si në fushën e lojës dhe jashtë saj.
Pasi u pyet në lidhje me Benzema, ai përgjigjet:
“Pasi kam luajtur me të tre apo katër muajt e fundit, unë mendoj se tani ai padyshim është sulmuesi më i mirë në botë. Por gjithashtu përveç rolit të tij si sulmues, ai hap hapësira për ne lojtarët e tjerë”. – tha Hazard.
Ndërsa në lidhje me mungesën e Benzemas në arenën ndërkombëtare, që nga viti 2015, Hazard deklaron:
E kuptoj trishtimin e tij në këtë aspekt. Por them që është më e lehtë të luash ndaj një skuadre që nuk ka Benzeman si pjesë e saj”.
Anësori belg, foli dhe për formën e tij te Reali i Madridit, duke theksuar që gjithmonë mund të bësh më mirë , por gjithçka po shkon në mënyrën e duhur dhe se situata po përmirësohet.
