Piloti i MotoGP, Johann Zarco , u përfshi në një aksident të frikshëm dhe të rrallë.
Francezi Zarco u rrëzua në kthesën numër 6 të pistës së Valencias, dhe përfundoi jashtë piste. Por, më e keqja nuk kishte ardhur.
29-vjeçari, i cili u ngrit dhe po ecte drejt motorit të tij, me kurriz nga pista, nuk pa që një tjetër pilot u rrëzua po në të njëjtin vend. Motori KTM i Lecuonas rrëshqiti dhe goditi nga pas me shpejtësi të madhe Zarcon, duke e hedhur në ajër.
Por fatmirësisht, piloti nuk pati asnjë dëmtim, dhe për këtë fakt vetë piloti u shpreh i habitur.
“Ishte goditje e fortë dhe nuk po e ndjeja më kaviljen e majtë. Isha i sigurt që e kisha thyer, pasi as nuk e lëvizja dot. Por, tani duket se kockat i kam mirë, megjithëse ligamentet besoj se janë dëmtuar. Do të pres analizat”, tha pas garës piloti francez”.
https://www.youtube.com/watch?v=0-Bm-Vaisjs
