Ish-ministri i Brendshëm teknik, Dritan Demiraj në një postim në rrjetin social Facebook, ka përshëndetur delegacionin e nivelit të lartë të Asamblesë Parlamentare të OSBE-së, të kryesuar nga Presidenti i Asamblesë, George Tsereteli dhe Sekretari i Përgjithshëm, Roberto Montella, të cilët u pritën dje në një takim nga presidenti Ilir Meta, pak orë pasi kreu i shtetit shpalli “non grata” ambasadorin Borchardt.
Ish-ministri ka ironizuar kreun e OSBE në Tiranë, duke e cilësuar si ‘ambasador rilindas që i pëlqen gishti i mesit’.
Postimi i plotë:
“Të nderuar miq!
Gjithmonë në kohët më vështira Shqipërisë nuk i kanë munguar miqtë e ndershëm, të cilët në dallim nga ambasadorët rilindas dhe ata që ju pëlqen gishti i mesit, nuk kanë si qëllim pasurimin dhe kalimin e kohës nëpër lokalet shqiptare, por reformat e vërteta në Shqiperi dhe zgjedhjet elira dhe të ndershme, pa blerjen e tyre me milionat e eurove nga paratë e kanabisit, trafiqeve dhe kriminelët jashtë dhe brenda Parlamentit Shqiptar.
Falemnderit Presidentit të Asamblesë Parlamentare të OSBE- së z. George Tsereteli, mikut tonë Sekretarit Roberto Montella dhe Florian Toma. Përqafime!
D.D. USA.”, shkruan Demiraj.
