Parlamenti Europian miratoi Oliver Varhelyin si Komisioner të Zgjerimit të Bashkimit Evropian.
Varhelyi, kandidat nga Hungaria, ka qenë në seancë dëgjimore javën e kaluar, por nuk ka arritur t’i bindë plotësisht ligjvënësit e Parlamentit Evropian se është i gatshëm për postin.
Atij i është dashur t’u përgjigjet edhe pyetjeve shtesë me shkrim. Përgjigjet janë dërguar paraditen e së hënës dhe kanë qenë të mjaftueshme që deputetët të konfirmojnë emërimin e tij.
Varhelyi është kandidati i dytë nga Hungaria për komisioner evropian. Para tij ka qenë Laszlo Troscanyi, i cili është refuzuar nga Parlamenti Evropian për shkak të konflikteve të interesit.
Në total, Parlamenti Evropian ka refuzuar tre kandidatë: nga Hungaria, Rumania dhe Franca. /REL/
