Nga Gentian Trenova
Rasti i betimit te noteri per tu veshur gjyqtar tregoi si lakmues cfare ka ndodhur me reformen ne drejtesi. Nje grup juristesh te cilet te orientuar politikisht apo nenkomanden e politikes si dhe te tjere te vetofruar filluan ofensiven kunder sistemit gjyqesor.
Te pastrojme te korruptuarit, te permiresojme sistemin gjyqesor. Fillimisht ky grup juristesh u moren me hartimin e reformes me propaganden per reformen, disa prej tyre perfituan edhe ndonje para nga projektet sipas rastit. Me pas ky grup juristesh filluan te konkuronin kudo ku kishte vende te lira ne kpk ne kpa, ne GjK, ne GjL ne KLP, ne Klgj, etj. Si per cudi kur shihje listat e konkurenteve ne shume raste shihje po te njejtat emra. Kur lexoje emrat dhe cv e tyre te vinte keqardhje qe kete reformen ne drejtesi nuk e kishin marre seriozisht juristet profesioniste te cilet treguan mosbesim duke qendruar te terhequr. Vetem grupi i sharlataneve te cilet nuk kishin realizuar veten ndonjehere profesionalisht kapen situaten dhe u turren ku te kapnin ndonje post.
Sedra e tyre e vrare nga mungesa e profesionalizmit u zgjua si me magji nga thirrjet e ambasadoreve qe vendit i duheshin juriste patriot per te shpetuar vendin. Frustimet nga inferioriteti profesional filluan te shperthejne duke marre flamurin e reformes dhe duke ngritur zerin lart se tani fati i vendit ishte ne doren e tyre. Rrota e historise u erdhi ne dore. Dhe keshtu pa u skuqur apo sverdhur konkuruan kudo ku kishte vende. Nje pjese e mire e arriten qellimin. Te ekzaltuar nga pushteti i papritur bejne cdo cudi per te plotesuar deshirat dhe porosite e pushtetit.
Vrulli per poste ua ka erresuar aq keq mendjen sa mund te shpikin apo interpretojne si te duan cdo gje mjafton te arrijne qellimin. Do behem gjyqtar edhe me noter. Me plot bindje mund te them se ky grup juristesh mund ti quash kck. Jane i asaj race qe bertasin me te madhe per drejtesi kur jane ne rruge dhe behen nga me te korruptuarit po tu japesh edhe pak pushtet.
