E priti 10 ditë në aeroport të dashurën kineze të njohur online. Më kot. Ajo nuk u shfaq kurrë dhe ai, një holandez, 41-vjeçar, i sëmurë me diabet, u shtrua në spital.
Alexander Pieter Cirk ishte nisur për Changsha, Kinë, i mbushur plot dashuri dhe shpresë pas dy muajve të kaluar në chat online me kinezen Zhang.
Kur nuk e pa të zbriste nga avioni nuk deshi ta besonte. Holandezi kaloi ditë dhe natë në sallën e pritjeve duke konsumuar vetëm ushqime të konservuara.
U përpoq të kontaktonte me Zhangun, por ajo e kishte celularin të fikur. Derisa historia e tij përfundoi në televizion dhe stacioni televiziv “Hunan” arriti ta lidhë holandezin me Zhangun.
Ajo tha se ishte e habitur dhe e bindur se kur Alexander i kishte dërguar me foto biletën e avionit për në Kinë kishte qenë vetëm një shaka.
Dhe, pa u menduar shumë kishte ikur me miqtë e saj diku tjetër, madje edhe për njp ndërhyrje estetike.
Ndërkohë, Alexander ishte shndërruar në një yll të medias sociale. Mijëra e mijëra mesazhe solideriteti për gjestin e tij heroik dhe mijëra e mijra mesazhe fyerjeje për vajzën kineze. Ajo kërkon ta takojë tashmë, por Alexander është nisur për Holandë
