Angazhohuni për kompromisin politik. Është ky apeli që ambasadori i BE-së, Luigi Soreca, i ka drejtuar liderëve politikë në vend, duke e lidhur madje refuzimin e hapjes së negociatave pikërisht me reflektimin që duhet të bëjë politika.
Sipas tij, dialogu është i rëndësishëm si për reformën në drejtësi ashtu edhe për reformën zgjedhore.
“Mos-hapja e negociatave, nuk ishte një vendim por shtyrje e tyre, por vendim për t’u kthyer pas në një reflektim. Angazhimi ynë në raport me Shqipërinë mbetet i pandryshuar. Mos-hapja e negociatave hapi një debat te madh.
Asnjëherë me parë nuk ka pasur një debat kaq të madh. Shpresoj që në muajt në vijim të kemi një rekomandim pozitiv për çeljen e negociatave. Doja të citoja Macron: Nëse reformojmë strategjinë e procesit do hapen negociatat.
Prioritet do i japim angazhimeve, si reformës zgjedhore si dhe reformës në drejtësi.
Dimë që SPAK do ngrihet në muajt e ardhshëm. Dialogu politik është i rëndësishëm për të ardhmen e vendit. Të gjithë duhet të investojnë për të arritur një kompromis politik.
Kjo është për përfitimin e Shqipërisë, ashtu si kundër janë listuar edhe elementë të tjerë.
Të lënë mënjanë debatet sa i përket Gjykatës Kushtetuese dhe të ngrenë një institucion të besueshëm.
Sa i takon reformës zgjedhore, ne inkurajomë partitë politike që të ketë sukses. Të përmbyllet sa më shpejt kjo paketë. Bashkimi Europian do të investohet në kapacitet të larta teknike”, tha Soreca.
Përgjithësisht diplomati që drejton zyrën e Delegacionit të BE-së në Tiranë ka mbajtur një qëndrim pro Kryeministrit Rama dhe kritik ndaj opozitës. Sot ai ka zgjedhur të mbajë një profil neutral, në një kohë që ka lëvizje konkrete të Rilindjes për të vënë nën kontroll Kushtetuesen. Gjithsesi Soreca ka preferuar të mos përmendë emra përgjegjësish lidhur me përplasjet e krijuara.
