Kur keqqeverisja shuan shpresën e qytetarëve bën të shfaqet edhe terrorizmi dhe ekstremizmi fetar. Është ky mesazhi që Presidenti Ilir Meta ka përcjellë gjatë fjalës së mbajtur në konferencën ndërkombëtare me temë “Feja si një instrument për paqen”.
Meta ka apeluar që Shqipëria nuk duhet të vuajë dimrin demografik të Evropës, duke sjellë në vëmendje citimet nga Papa Francesku.
“Dua të kujtoj një njeri mjaft vizionar, Hafiz Sabri Koçi, që përballë disa njerëzve me prirje ekstremiste, u tha atyre: Unë nuk do t’ju lë juve të shkatërroni vendin tim, siç keni shkatërruar vendet tuaja. Ky ëhstë patriotizmi i vërtetë.
Qeveritë duhet të krijojnë më shumë vende pune, të mbrojnë të drejtën e lirisë së fesë.
Ne po hasim emigracion të lartë, mungesën e shpresës. Mos lejoni që Shqipëria të vuajë dimrin demografik të Evropës, na ka porositur Papa Francesku. Por ky fenomen nuk na ka prekur vetëm ne, por gjithë vendin, ndaj ne lutemi që rinia jonë ta ndërtojë këtu të ardhmen dhe ata të kthehen në vendin e tyre.
Në vendin tonë garancitë kushtetuese të lirisë së besimit janë çimentuar. Kuadri ligjor është i kompletuar. Por siç vërehet edhe në raportet e DASH, komunitetet fetare po hasin vështirësi në blerjen e pronave, probleme në marrjen e pronësive të trashëgimisë kulture, kanë shprehur shqetësime për ndikimin e huaj. Kjo ngjall vëmendje të vazhdueshme.
Sigurimi i aseteve të pronave do ta bënte të pamundur ndikimin e huaj malinj.
Duhet ende vëmendje më e madhe ndaj shtresave në nevojë që janë më vulnerabël ndaj çdo lloj ndikimi”, tha Meta.
